Kryetari i Partisë së Lirisë, Ilir Meta ka shkuar paraditen e sotme në zyrën e ish-kryeministrit Sali Berisha.
Takimi mes tyre vjen dy ditë pas humbjes së zgjedhjeve në Rrogozhinë dhe pas deklaratave të ish kreut të qeverisë për nisjen e protestave në vend.
“Opozita paralajmëroi shqiptarët se me Edi Ramën nuk ka zgjedhje të lira. Ftoj qytetarët të ngrihen kundër këtij regjimi”, deklaroi Berisha një ditë më parë teksa akuzoi PS-në se i manipuloi zgjedhjet në Rrogozhinë.
Takimi mes Berishës dhe Metës pritet që të përcaktojë aksionin opozitar dhe datën për protestën e ardhshme në një kohë kur mazhoranca qeverisëse ndodhet në një moment delikat. Zyrtare të lartë deri tek ministrat socialistë kanë qenë “shënjestër” e drejtësisë që së fundmi ka nxjerrë edhe urdhër arrestin ndërkombëtar për ish-zv/kryeministri Arben Ahmetaj i akuzuar si i përfshirë në aferën e inceneratorëve.
