Deputetja demokrate Jorida Tabaku, në një deklaratë për mediat jashtë Kuvendit, tha se pezullimi i fondeve të BE-së për bujqësinë në Shqipëri është një njollë turpi për institucionet shqiptare dhe për imazhin e vendit tonë.
Sipas Tabakut, tashmë akuzat nuk janë vetëm mediatike apo të bërë nga opozita, por vijnë edhe nga OLAF.
“Sipas KLSH, buxheti i shtetit ka pasur një dëm ekonomik prej 8 mld eurosh, sot çështja e inceneratorëve është bërë tashmë jo vetëm një akuzë e opozitës, por një dosje me përfaqësues të nivelit të lartë të qeverisë para drejtësisë. Njëkohësisht të dhënat e fundit të OLAF dhe hetimi i OLAF për abuzime me fonde të BE në fushën e bujqësisë janë shqetësuese. Nuk është një akuzë nga media, apo opozita, por është një akuzë që vjen nga OLAF, është një njollë turpi mbi institucioni e IPARD dhe institucionet shqiptare, por ka cënuar rëndë imazhin e Shqipërisë dhe atyre institucioneve që kanë që nga 2010 që certifikohet për fondet e BE”, tha ndër të tjera Tabaku.
