Marina Duhani nga Partia Social Demokrate e Tom Doshit, është zgjedhur kryetare e këshillit të qarkut Shkodër. Ajo ka marrë 19 vota pro, 1 abstenim dhe 1 kundër, teksa ishte e vetmja kandidate në votim.
Nga 22 anëtarë të këshillit të qarkut, i vetmi që nuk votoi ishte kryetari i Bashkisë Fushë Arrëz, Hil Curri. Në mbledhjen e këshillit të qarkut Shkodër merrnin pjesë edhe 5 kryetarët e bashkive.
Marina Duhani është e diplomuar në një universitet ne Spanjë për tregti ndërkombëtare, ndërsa ka eksperienca me disa organizata të ndryshme.
Partia e Tom Doshit mbetet kështu një faktor i padiskutueshëm politik në qarkun e Shkodrës, pasi edhe në zgjedhjet lokale të 14 Majit, dha një ndikim të rëndësishëm në fitoren e socialistit Benet Beci.
