Dy persona janë arrestuar ditën e sotme në Tiranë, pasi akuzohen për kontrbandë mallrash.
Blutë bëjnë me dije se në pranga kan rënë shtetasit me iniciale N. H., 58 vjeç dhe E. Ç., 45 vjeç, si dhe është proceduar në gjendje të lirë bashkëshortja e këtij të fundit L. Ç., 45 vjeçe.
Ndërkohë janë sekuestruar veshje të ndryshme, të dyshuara të kontrabanduara, me peshë totale 5548 kg.
“U bë arrestimi i shtetasve E. Ç., 45 vjeç dhe N. H., 58 vjeç, të dy banues në Tiranë.
Gjithashtu u procedua në gjendje të lirë shtetasja L. Ç., 45 vjeçe.
Gjatë kontrollit të ushtruar në subjektin në administrim nga shtetasi E. Ç., shërbimet e Policisë gjetën veshje të ndryshme të dyshuara të kontrabanduara, të cilat ishin transportuar nga Belgjika drejt Shqipërisë, nga shtetasi N. H.
Në cilësinë e provës materiale u sekuestruan veshje të ndryshme të kontrabanduara, me peshë totale 5548 kg.
Operacioni për goditjen e kësaj paligjshmërie vijon”,- njofton Policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
