Policia e Korçës, ka arrestuar ditën e sotme një 30-vjeçar pasi akuzohet për disa grabitje të kryer në qytet.
Blutë bëjnë me dije se i riu 30-vjeçari është autori i 6 vjedhjeve të ndodhura 2 javët e fundit, në qytet, ndërsa ka qenë i dënuar edhe më parë për vjedhje.
“Nga veprimet hetimore të kryera dhe provat e grumbulluara, dyshohet se ky shtetas, dy javët e fundit, në lagjet nr. 7, 8, 13 dhe 16, të qytetit të Korçës, ka vjedhur shuma parash, vegla pune, 7 aparate fotografike dhe produkte të ndryshme ushqimore, në dy lokale, dy dyqane, në një studio fotografike dhe në një automjet, në pronësi të shtetasve të ndryshëm”,- njofton Policia.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
