Deputeti i Partisë Demokratike, Edi Paloka, ka reaguar pas deklaratës së avokatit të Arben Ahmetajt, i cili konfirmoi pak më parë se ish-zv.kryeministri është larguar jashtë vendit.
Përmes një postimi në rrjete sociale, Paloka ironizon në rreshtat e tij, teksa shkruan: ‘Mbaroi dhe tallja më e fundit e menderes’. Thënë kjo nisur dhe nga fakti që Ahmetaj është larguar nga Shqipëria më 7 korrik, në të njëjtën ditë që është firmosur edhe kërkesa e SPAK drejtuar Kuvendit për autorizim për arrestimin e tij.
“Sigurisht që “zgjidhja” u gjet në bashkëpunim Rama-SPAK-Ahmetaj”,- shkruan Paloka ndër të tjera, duke ngritur dyshime kështu se Ahmetaj ka patur dijeni për urdhër-arrestin dhe është larguar qëllimisht në atë datë.
Postimi i plotë:
“Ja u zgjidh dhe kjo çështje.
Tigri nuk e mbante dot burgun as për pak muaj kështu që heshtjen e këmbeu me arrati, ndryshe nga të tjerët që milionat donin t’i gëzonin në Shqipëri!
Sigurisht që “zgjidhja” u gjet në bashkëpunim Rama-SPAK-Ahmetaj.
Mbaroi dhe tallja me e fundit e menderes.
Në fund mbetën vetëm vibratorët si provë e drejtesisë së “reformuar”.
Lavdi shoqes Kim,”
