Ish-kryebashkiaku i Shkodrës, Bardh Spahia ka reaguar pas masës ndaj zëvendësdrejtorit të policisë së Shkodrës Hajri Kushe, i akuzuar se favorizonte kultivimin e kanabisit.
Në një postim në rrjetet sociale, Saphia shprehet se zëvendësdrejtori i Policisë së Shkodrës i përfshirë në kultivimin e kanabisit, është njëri prej aktorëve kryesor të Edi Ramës në tjetërsimin e votës. Bashkëpunimi në mbjelljen e kanabisit, shton, është vetëm njëra anë e medaljes.
“Hajri Kushe njihet në Shkodër si lidhja kryesore e PS dhe qeverisë me bandat kriminale për blerjen e votës dhe intimidimin e mbështetësve të opozitës. Si një nga personat kryesorë të fushatës kriminale “elektorale” të PS në Shkodër, shumë shpejt do të shohim se ligji do të jetë i pafuqishëm kundër tij. Gjithashtu do presim të shohim nëse ligji do të veprojë mbi të gjithë rrjetin shtetëror e kriminal dhe personazhet e përfshira në masakrën më të madhe elektorale kundër demokracisë në Shkodër e Shqipëri”, përfundon Spahia.
Lexo edhe:
Favorizuan trafikun e drogës/Masa për 13 policë në Shkodër, mes tyre dhe zv.drejtori
