Një rast i paprecedentë ka ndodhur mesditën e kësaj të Hëne në Tiranë, te kthesa e Kamzës.
Mësohet se një 31 vjeçar ka tentuar ti japë fund jetës, duke i vënë flakën vetes me benzinë, por fatmirësisht është konstatuar në kohë, dhe është shmangur tragjedia.
Blutë bëjnë me dije se 31-vjeçari ka marrë plagë të rënda dhe është dërguar në spital për ndihmë mjekësore. Ndërsa ende nuk dihen arsyet dhe rrethanat e ngjarjes.
“Më datë 26.06.2023, rreth orës 11:40, në afërsi të një qendre tregtare te kthesa e Kamzës, ka tentuar të vetëdigjet me lëndë djegëse dyshohet benzinë shtetasi E. M., 31 vjeç.
Si pasojë është dëmtuar dhe është dërguar në spitalin e djegie-plastikës për mjekim”,- njofton policia.
Grupi hetimor po punon për zbardhjen e plotë të rastit.
