Dy shtetas shqiptarë, përkatësisht të moshës 63 dhe 67 vjeç janë arrestuar ditën e sotme nga Policia greke pasi akuzohen për spiunazh.
Mediat greke shkruajnë se dy shqiptarët u kapën në ambientet e zonës ushtarake në Bazën Detare Ushtarake në Salaminë, nga ushtarët e marinës ushtarake greke, të cilët i kanë dorëzuar në polici.
Sakaq dy të arrestuarit thanë para policisë greke se kanë qenë në gjendje të alkoolizuar kur kanë hyrë në Bazën Deatre Ushtarake, pretendim që rezultoi i vërtet pas kryerjes së testit të alkoolit.
Në vijim priten informacione konkrete në lidhje me rastin. Policia greke vazhdon hetimet.
Burimi: CNN.gr
