Kryetari i Partisë Demokratike, Sali Berisha, ka komentuar sërish ditën e sotme drafin e propozuar nga kryeministri Rama për Asociacionin.
Në një deklaratë për mediat jashtë Kuvendit, Berisha u shpreh se ndërhyrja e kryeministrit Rama në punët e Kosovës është e pavend, teksa shtoi se ky i fundit synon ta përkeqësojë më tej situatën mes Prishtinës dhe Beogradit.
‘Ndërhyrja e Ramës është e gabuar, ka efekt negativ, e përkeqëson situatën mes Prishtinës dhe Beogradit. Rama siç e thashë ka interesa personale sepse po afrohet data dhe nuk flen më. Nuk jam njohur me draftin e Ramës.
Policia konsiderohet palë, por Rama konsiderohet palë me Vuçiç. E kam thënë ai e ka marrë nga sirtari i Vuçiç atë draft.’-tha Berisha.
