Deputetja e Partisë Demokratike, Jorida Tabaku, ka folur këtë të Enjte për për arrestimin e ish-kryebashkiakut të Durrësit Vangjush Dako.
Gjatë fjalës së saj në Kuvend, Tabaku u shpreh se arrestimi i Dakos, i bën nder drejtësisë, ndërsa theksoi se dosje të tjera flenë në SPAK.
Tabaku bëri thirrje që të hetohen dosjet për krimet elektorale, korrupsion dhe pastrim parash.
Tabaku: Arrestimi i ish-kryetarit të Bashkisë Durrës I bën nder SPAK-ut. Unë do të kisha preferuar që ai të arrestohej për arsyje tjera, pak rëndësi ka se për çfarë shkon përpara drejtësisë, rëndësi ka që shkon përpara drejtësisë. Unë shpresoj që krimet elektorale si dosja 339, akuzat për korrupsion, për pastrim parash dhe shumë element të tjerë të hetohen. Jo se akuzon politika, jo se vijnë këtu politikanët dhe hedhin lumë akuzash kundër njëri tjetrit, ku pas një viti i shkelin me këmbë dhe thonë nuk ishin të vërteta. Por le të hetohen nëse ka prova dhe dosje reale.
Ndërkohë dosje të tjera flenë në SPAK, dosje të cilat lidhen me koncesione, me prokurime, me hetimin e zgjedhjeve, me rindërtimin, me tërmetin dhe me shumë element që unë besoj i bëjnë nder SPAK-ut të hetohen.
