Policia e Himarës ka arrestuar ditën e sotme një 27-vjeçar, pasi është kapur me lëndë narkotike.
Blutë bëjnë me dije se gjatë kontrollit të riut i janë gjetur në çantë kanabis gati për shitje.
Policia njofton gjithashtu se është proceduar në gjendje të lirë edhe një tjetër shtetas pasi kishte akomoduar në banesën e tij 27-vjeçarin që qëndronte në Himarë si punëtor sezonal.
U sekuestruan doza të lëndës narkotike kanabis gati për shitje, një shumë parash e dyshuar e përfituar nga kjo veprimtari kriminale, 1 grirëse për lëndë narkotike, 2 celularë, si dhe një thikë. Në dy fazat e mëparshme të këtij operacioni, u arrestuan 5 shtetas, dy prej të cilëve shtetas anglezë.
