Një parcelë me bimë narkotike është zbuluar ditën e sotme nga policia në Malësinë e Madhe.
Në parcelë janë gjetur të kultivuara 116 bimë të dyshuara cannabis sativa, e si rezultat eshtë vënë në pranga një person dhe është shpallur në kërkim bashkëpuntori i tij.
“Në vijim të goditjeve të njëpasnjëshme që në gjenezë, të tentativave për kultivim të bimëve narkotike, si rezultat i kontrollit të imtësishëm të territorit, nga toka dhe ajri, me dron, bazuar dhe në inteligjencën informative, shërbimet e Policisë kanë konstatuar në fshatin Vukpalaj, Malësi e Madhe, 116 bimë të dyshuara narkotike cannabis sativa. Bimët u asgjësuan me anë të djegies, përveç një pjese që u sekuestrua në cilësinë e provës materiale.
Si rezultat i veprimeve të shpejta hetimore, specialistët për Hetimin e Krimeve të Komisariatit të Policisë Malësi e Madhe bënë të mundur identifikimin dhe kapjen e njërit prej autorëve të dyshuar të kësaj veprimtarie kriminale, janë një 28 vjeçar banues në fshatin Bajzë, Malësi e Madhe, si dhe shpalljen në kërkim të bashkëpunëtorit të tij, një 44 vjeçari, banues në fshatin Vukpalaj, Malësi e Madhe.
Vijon puna për kapjen e autorit dhe për dokumentimin e plotë të kësaj veprimtarie krimimale”,- njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
