Sekretarja e Përgjithshme e Ministrisë së Shëndetësisë, Joana Duro është arrestuar sot me urdhër të SPAK.
Arrestimi është kryer me urdhër të Prokurorisë së Posaçme (SPAK) dhe Duro dyshohet për korrupsion. Sipas burimeve mediatike mësohet se në pranga ka rënë edhe nje punonjëse tjetër, Laura Shteto, Specialiste te “Bashkëqeverisja”.
Kujtojmë që ishte kryeministri Edi Rama, i cili gjate nje takimi ne Tirane dha lajmin e arrestimit duke thene se është e tmerrshme mungesa e sensit të etikës dhe të ulet në këtë nivel. Pa përmendur emër, Rama tha se si mund të ndodhë që një sekretare e përgjithshme kapet në flagrancë duke marrë lekë.
Por ndërkohë SPAK nuk dha detaje, duke thënë se operacioni është në vazhdim e sipër. Megjithatë, operacioni ishte ‘dekonspiruar’ nga Edi Rama, të cilit i duhej ky arrestim pikërisht ditën e sotme. Dhe si zakonisht, përdori SPAK-un për të zhurmuar një skandal më të madh, atë që po konfirmonte edhe në sytë e ndërkombëtarëve, se drejtësia e re është e vdekur.
“Një sekretare e përgjithshme kapet në flagrancë duke marrë lekë. Si mund të ndodhë kjo? Ana e pëlqyeshme e kësaj medalje është që kapet një person që është i padenjë për të qëndruar në një zyrë shteti. Uroj të ketë sa më shumë të tilla, por s’mund të uroj që sa më shumë të tillë njerëz të bëjnë gjëra të tilla. Është realisht diçka e rëndë. Mungesa e sensit të patriotizmit, sensit të detyrës, mungesa e sensit të etikës, në pikën që në një detyrë të rëndësishme të biesh në këtë lloj niveli është realisht e tmerrshme. Këtu e kemi hapur vetë këtë kuti të pandorës, megjithëse se s’kemi pranuar duke mbajtur qeverisjen e këtij vendi për të vazhduar avazin e disa shekujve ku të pushtetshmit, kurrë asnjëherë nuk janë thirrur asnjëherë nga drejtësia. Këtë e kemi bërë ne. Ne e kemi zgjedh këtë rrugë, s’ka kthim mbrapa dhe kompromis me askënd. E kam ditur që kjo nuk është rrugë që do mbarojë shpejt, por rruga e një gjenerate për të arritur që ky vend të ketë drejtësi të barabartë për të gjithë. Kjo është një rrugë me shumë vështirësi, situata të shëmtuara, të hidhura, njerëz që kanë marrë gjithçka”, tha Rama.
