Manipulimi i zgjedhjeve të 14 Majit, ishte temë e diskutimit në studion e “Neës 24”, ku ishte i ftuar, kryetari i Partisë Demokratike, Sali Berisha.
Berisha ripërsëriti akuzat e tij për vjedhjen e votës, ndërsa tha se do të mbrojë votën me çdo kusht.
Pyetje: Ka fituar opozita në këto zgjedhje?
Berisha: Jo nuk them se ka fituar, por edhe ai nuk ka fituar. Votat në Elbasan janë vjedhur. Nuk them se janë vjedhur në të gjitha qytetet, por në disa prej tyre po.
Pyetje: Thatë se Ramën do e rrëzoni me revolucion?
Berisha: Kam thënë tre muaj para që zgjedhje me Edi Ramën nuk ka. Por kam thënë që në zgjedhje do marrim pjesë. Revolucioni do vazhdojë dhe vetëm një lëvizje e fuqishme do riktheje votën në këtë vend. Tani lëvizja do të jetë më e fortë. Edi Rama i mori zgjedhjet, nuk i fitoi ato. Opozita do ngrihet me forcën më të madhe, me lëvizje më të fuqishme, qoftë dhe me mosbindje civile për të mbrojtur votën. Po bëjmë verifikimet. Kemi kërkuar videot nga KQZ por nuk na i japin. Ne nuk e pranojmë më këtë. Me Edi Ramën nuk ka zgjedhje”, tha Berisha.
