Një përdhunues dhe vrasës fëmijësh, i lidhur me shumë raste të pazgjidhura u arrestua këtë javë në Teksas pasi pranoi krimet e tij. Raul Meza, 62 vjeç, ishte në kërkim nga policia kur thirri Njësinë e Vrasjeve të Departamentit të Policisë Austin duke thënë: Unë quhem Raul Meza dhe ju po më kërkoni, shkruan Protothema.
Autoritetet kanë prova që tregojnë se ai vrau gjithsej 13 persona,ku mes viktimave të tij ishte një vajzë 8-vjeçare. Meza thuhet se ka rrëfyer vrasjen e Fragës dhe një gruaje në vitin 2019.
“Unë dola nga burgu në vitin 2016 dhe tre vjet më vonë vrava një grua”, tha Meza.
Krimet e Raul Mezës
Fillimisht i dënuar, 15 vjeç, për grabitje me aksesor pas faktit në vitin 1976 dhe i dënuar me 20 vjet burg, por ai u lirua me kusht në 1981, ku vazhdoi përsëri me krime.
Një vit pas lirimit, Meza goditi sërish. Më 3 janar 1982, ai mbyti dhe sulmoi seksualisht tetëvjeçaren Kendra Page ndërsa ajo po ecte me biçikletë pranë shkollës fillore Langford. Trupi i vogëlushes u gjet lakuriq pranë një koshi plehrash në shkollë. Meza u dorëzua tre ditë më vonë dhe u dënua me 30 vjet burg.
Në vitin 1993, pasi kreu 11 vite dënim, u lirua për sjellje të mirë. Megjithatë, ai u kthye shpejt në burg pasi në gusht 1994 u zbulua se ai kishte shkelur dënimin e tij me kusht.
Meza doli sërish nga burgu në vitin 2016 dhe në mesin e vitit 2019 vrau 66-vjeçaren Gloria Lofton në shtëpinë e saj. Lofton ishte një grua e sjellshme dhe ishte e njohur për ndihmën e të tjerëve dhe shpesh ftonte njerëzit nga rruga për të qëndruar me të.
Viktima e tij e fundit
Më 20 maj, Meza dyshohet se vrau 80-vjeçarin Fraga, i cili e kishte lejuar Mezën të jetonte me të në shtëpinë e tij për dy vitet e fundit. Të dy njiheshin që në vitet 1990. I moshuari u mbyt për vdekje me rrip dhe kishte një plagë me thikë në qafë.
Meza besohet se ka vrarë deri në 10 persona përveç Page, Lofton dhe Fraga.
“Kemi ende tetë deri në dhjetë raste të pazgjidhura. Numri i viktimave të tij mund të rritet”,- tha policia, duke theksuar se dikush mori një vendim të keq “40 vjet më parë duke e lënë Mezën të manipulonte sistemin”.
Meza gjatë rrëfimit të tij tha se ishte “gati dhe i përgatitur për të vrarë përsëri dhe i etur për ta bërë këtë”.
