Ish-kandidati i koalicionit “Bashkë Fitojmë” për bashkinë e Kuçovës, Lefter Maliqi ka publikuar videon denoncuese ku shihet vëzhguesja e PS-së që fut fletë votimi fshehurazi tek numëruesi.
Në një postim në rrjetet sociale, Maliqi thotë se ky është vetëm një nga shumë rastet të manipulimit të votave që është bërë në këtë bashki. Gjithashtu Maliqi thotë se kutitë e votimit në mesnatë u lanë në mëshirë të fatit me qëllim për të manipuluar rezultatin.
Këtë denoncim të Maliqit e ka shpërndarë sot në FB kreu i PL-së, Ilir Meta i cili shprehet se krimi elektoral në KZAZ-në e Kuçovës ulëret sheshit dhe nuk mund të mbyllet pa u ndëshkuar.
“Krimi elektoral në KZAZ-në e Kuçovës ulëret sheshit dhe nuk mund të mbyllet pa Ndëshkim.
Prova më flagrante se këto s’mund të kërkohen!”- shkruan Meta.
