I penduari i drejtësisë, Nuredin Dumani, u shoqërua në Gjykatën e Posaçme këtë të Martë, për të dëshmuar në procesin ndaj Altin Ndocit, Klevis Allës, Besian Xhixhës dhe Enver Divës, të cilët akuzohen për vrasjen e vëllezërve Viktor dhe Besmir Haxhia, si dhe Dorian Shkozës e Anxhelo Avdisë.
Por i penduari i drejtësisë në dosjen “Plumbi i artë” nuk dëshmoi. Mësohet se seanca u ndërpre me kërkesë të avokatëve, të cilët kërkuan kohë për t’u konsultuar me deklarimet e dhëna në prokurori të dëshmitarit Henrik Hoxha, po ashtu i penduar i “Plumbit të artë”.
Hoxha dëshmoi më herët ditën e sotme mbi vrasjen e Dorian Shkozës e Anxhelo Avdisë. Ai deklaroi se me Dumanin ishte njohur në ditëlindjen e Festim Çolit, rreth 6 muaj para vrasjes së Dorian Shkozës dhe Anxhelo Avdiajt.
