Interi është favorit për të fituar Kupën e Italisë dhe UEFA Champions League. Ky nuk është mendimi i një tifozi të thjeshtë zikaltër, por ka qenë drejtori sportiv i njohur, Ariedo Braida, i cili ka thënë diçka të tillë.
“Në letër, favorit për të fituar Kupën e Italisë është Inter, por në ndeshje të tilla nuk dihet si mund të shkojnë gjërat. E njëjta gjë vlen edhe për finalen e Champions League mes Interit dhe Manchester City, mjafton një episod për të ndryshuar gjithçka”-tha ai.
Skuadra e Inzaghit sfidon Fiorentinën këtë mesjavë për të fituar Kupën e Italisë, ndërsa me 10 qershor mat forcat me Manchester Cityn për trofeun e Champions.
