Gjykata e Tiranës ka vendosur lirimin nga qelia të Bedri Muratit, i arrestuar disa ditë më parë me dyshimet se po kryente veprime për të orientuar votën e qytetarëve në Krujë.
Me kërkesë të prokurorisë, Gjykata ka caktuar masën detyrim paraqitje ndaj Bedri Muratit i cili u arrestua nga policia e Krujës, për veprën penale “korrupsion aktiv në zgjedhje”. Gjykata e Tiranës e nxori nga burgu duke caktuar ndaj tij masën e sigurisë detyrim paraqitje. Policia njoftoi sekuestrimin 69 000 lekë, 50 euro dhe 2 lista me emra qytetarësh.
