Tirana do të luajë të mërkurën e ardhshme derbin e radhës kundër Partizanit. Kjo sfidë e vlefshme për javën e 32-të të Superiores, është mjaft e rëndësishme për të dy ekipet që do të synojnë të marrin një rezultat pozitiv.
Një javë para përballjes, tifozët e Tiranës duken mjaft të motivuar.
Ata kanë nisur organizimin dhe si fillim kanë arritur dakordësinë me klubin bardheblu që sektori i stadiumit ku do të qëndrojnë Fanaticsat, mos të dalë në shitje.
Janë vetë ultrasit kryeqytetas që përmes një njoftimi në kanalin zyrtar bëjnë me dije se biletat do të tërhiqen nga tifo-grupi dhe mund të blihen vetëm atje.
“NJOFTIM I RENDESISHEM!
TE GJITHA biletat e sektoreve ku do te qendrojne TIRONA FANATICS per ndeshjen kunder morrave do te shiten nga vete tifogrupi!
ASNJE BILETE E SEKTOREVE (N102-N103-N104) NUK DO TE DALE NE SHITJE TE BILETARIA!
Neser do te kete nje njoftim te dyte per lokacionet ku antaret do te kene mundesi te blejne bileten!
Bohena gati per spektaklin e rradhes!
Per te 30-ten.
Tirona Fanatics 06”, shkruhej në njoftimin e tifozëve të Tiranës.
