Mjeku Ilir Alimehmeti, kandidat për këshilltar në bashkinë Tiranë nga koalicioni “Bashkë Fitojmë” i ftuar në “Ora e Betit”, tha se një përballje në debat mes kandidatëve për kryetarë bashkie do ta bënte më interesante fushatën për 14 majin.
Ai shtoi më tej se kandidatët socialistë refuzojnë të përballen në debate pasi kanë shumë gjëra për të fshehur.
“Do të doja brenda një fushate për pushtetin vendor të kishte debat në Tiranë dhe 2-3 bashki të tjera të mëdha. Kjo refuzohet nga ata që janë në fuqi.
Nuk kanë mundësi përballje, kanë shumë për të fshehur. Do kisha pasur qejf shumë të ndiqja debat për Tiranën, për Durrësin, Elbasanin, Shkodrën, Korçën. Interesante është se nuk mungojnë debatet ndërmjet anëtarëve për këshilltarë mes koalicionit Bashkë Fitojmë dhe PS. Ka të bëjë me dëshirën për tu fshehur pas gishtit. Shqiptarët e dinë pse nuk bëhet debat.”- tha Alimehmeti.
