Policia e Tiranës ka dalë me njoftim zyrtar lidhur me ngjarjen që ndodhi pas mesnate në kryeqytet pranë spitalit “Nënë Tereza”, ku u dëgjuan të shtëna me armë zjarri.
Blutë bëjnë me dije se të shtënat kanë ardhur si rezultat i një sherri mes 9 të rinjve, ndërsa është vënë në pranga njëri prej tyre.
Në pranga ka rënë personi që qëlloi me armë gjatë sherrit, 37-vjeçari Xh.C.
“Ky person, rreth orës 3:00, së bashku me shtetasit F.Xh, A.Xh, M.K, dhe E.C, janë konfliktuar për motive të dobëta me katër persona të tjerë, K.K, V.Q, F.N, A.N dhe gjatë konfliktit, Xh.C ka qëlluar më armë zjarri në ajër. Në cilën e provës materiale është sekuestruar arma e zjarrit“,- njofton policia.
Materialet i kaluan Prokurorisë, për veprime të mëtejshme procedurale.
