Kryeministri Edi Rama ka replikuar në Kuvend me ish-Kryeministrin Sali Berisha dhe kreun e Grupit të PD, Edmond Spahon lidhur me akuzat që i drejtuan për përmbytjet.
“Ju flisni sikur keni zbritur nga Hëna”, tha Rama.
Çfarë nuk është bërë në Shqipëri, por lumë ndërtuar ju. Rast unikal. Ju e bëtë shtetin e Shqipërisë konceptin më qesharak të konceptit shtet. Flisni këtu për ndihma.
Po ju ikët nga pushteti duke ngrënë tërë orizin dhe groshët e shtetit pasi i bëtë pilaf për vete. Po çizmet pse i morët? Ç’i deshët? Rezervat e Shtetit gropë!
Ne nuk i kemi kërkuar ndihma askujt, por kemi falënderuar çdokënd që është afruar të ndihmojë.
Të thuash që unë kam paskam premtuar që nuk do të ketë kurrë përmbytje…Unë them që nuk do të ketë kurrë përmbytje nga dora e njerëzit në qeveri. Jo nga vullneti i natyrës’, tha Rama gjatë fjalës së tij.
Por kryeministri Edi Rama ka gënjyer në ditën me diell.
Në datën 4 dhjetor 2017, NATO ka publikuar një dokument ku Shqipëria i kërkonte ndihmë shteteve të Aleancës edhe për pelena fëmijësh e fasule.
Në kërkesën që Shtabi i Përgjithshëm i Forcave të Armatosura të Shqipërisë i ka drejtuar NATO-s, thuhet se janë përmbytur më shumë se 15 mijë hektarë.
Dëmet e shkaktuara janë të tilla: 4715 godina, 41 biznese, 127 akse rrugore, 177 shkolla, 78 ura, 30 stacione ujësjellësi, 11 diga, 26 stacione elektrike, 29 rita dhe një stacioni pompimi uji.
Shqipëria kërkon nga NATO me urgjencë këto gjëra: ura portabël, 78 copë, 45 metra të gjata, me kapacitet 20 ton minimumi.
Po ashtu kërkohen varka për ujëra të cekët, pajisje për zhytje, gjeneratorë, fuoristrada, pajisje të ndihmës së parë, batanije, tenda, ngrohësa, kostume anti-ujë, ushqim i konservuar, ushqim fëmijësh, pelena, ushqim për kafshët, etj.
Dokumenti i plote, me kerkesat e Shqiperise per NATO-n
