Një 22-vjeçare është zdukur në mënyrë miserioze. Kanë qënë familjarët ata që e kanë bërë kallëzimin në komisariatin nr 4, se kanë humbur kontaktet me vajzën e tyre.
Familjarët kanë deklaruar se vajza prej 2 vitesh ishte në kontakt dhe fliste me një djalë që jetonte në shtetin italian.
Mësohet se pasi ka njoftuar familjen për lidhjen e saj, janë dakordësuar që vajza të udhëtonte drejt Italisë dhe do të fillonte bashkëjetesën me të dashurin e saj.
Sipas dëshmisë së babait, në 31 mars 2023 vajza përmes Rinasit niset drejt shtetit italian. Familja e djalit nga Durrësi duket ka shprehur mos pëlqim për vajzën. Për këtë arsye ata i kanë prerë një biletë kthimi vajzës për në Shqipëri.
Sipas burimeve, në datën 19 prill 22-vjeçarja ka zbritur në aeroportin e Rinasit dhe më pas ka humbur kontaktet me familjen e saj, të cilët të alarmuar kanë bërë kallëzim në polici.
