Një 20-vjeçar ka humbur jetën pas mesnatës në Rrugën ‘4 Dëshmorët’ në Tiranë, pranë gjimnazit “Partizani”.
Viktima i identifikuar si, Stiven Toshkesi është qëlluar me thikë pas një sherri dhe nuk ka mundur t’i mbijetojë plagëve të rënda.
Ngjarja ka ndodhur rreth orës 00:35, ku mësohet se Toshkesi u përfshi në një konflikt për motive të dobëta dhe u plagos nga dy të rinjtë e identifikuar si Axel Hoxhaj, 18 vjeç dhe Ensi Maze, 18 vjeç. Ky i fundit është kapur dhe arrestuar ndërsa shoku i tij është ende në kërkim.
Grupi hetimor po punon për sqarimin e plotë të rrethanave të rastit, ndërsa janë publikuar dhe pamjet nga vendngjarja. Shihet se policia ka rrethuar zonën dhe po punohet për kapjen e të shpallurve në kërkim.
