Kryeministri Edi Rama e ka nisur me akuza e deri në ofendime të rënda fushatën elektorale të 14 majit.
Kreu i qeverisë shqiptare mesditën e sotme u shfaq në Kavajë ku teksa përmendi Berishën dhe Metën vijonte të shthurrte gojën duke përsëritur sërish shprehjen “noc rroku”, duke nënkuptuar fjalë banale.
Është e turpshme që kryeministri i vendit shthurr gojën në ditën e parë të fushatës elektorale, pasi shprehja “noc rroku” përdoret në zhargon dhe i referohet organit gjenital mashkullor.
Rama: “Dy hije (Berisha dhe Meta) janë bërë bashkë që të marrin sa të munden, me çfarë logjike mund të mendohet se vota për shtëpinë këtu, për ndriçimin, për pastrimin, për strehimin social, vota mund të shkojë pa asnjë llogjikë te dy hije që nuk e duan Kavajën për ta bërë më të bukur, se kur e kishin vetëm e degjeneruan.
Ose të dali njëri dhe të më thojë një bashki, dhe të më thojë që e ke gabim, se në vitin 1994 ne kemi pasur atë bashkinë e atje dhe shihe ca keni bërë… noc rrokun! Asnjë gjë! Shiheni Shkodrën se çfarë fatkeqësie, jo sot por në histori, shiheni se çfarë është Shkodra sot. E kush e ka bërë Shkodën ashtu? Zoti jo, se e ka bërë të mrekullueshme, historia jo, Shkodrën e ka bërë ashtu vota për ata. Kush i jep votën atyre i pret vetes biletën për të ecur mbrapsht”.
- Berisha-Meta çelin fushatën sot ne stadiumin “Air Albania”
Kujtojmë që në krahun tjetër kreu i Partisë Demokratike, Sali Berisha dhe Partia e Lirisë, në siglën e koalicionit “Bashkë Fitojmë do të çelin sot fushatën elektorale për zgjedhjet lokale të 14 Majit.
Mitingu hapës do të mbahet sot në orën 12:00 në ambientet e stadiumit “Air Albania”, ku është bërë thirrje për pjesëmarrje masive nga ana e qytearëve dhe mbështetësve të opozitës.
Fushata e opozitës sot do të çelet me sloganin “Ndryshimi në duart e tua” opozita do të nisë zyrtarisht rrugëtimin drejt 14 majit.
