Një aksident me një person të plagosur ka ndodhur këtë pasdite në Durrës.
Policia njofton se rreth orës 17:10, në lagjen nr.14, një automjet me drejtues L.B., 40 vjeç, është përplasur me motomjetin me drejtues shtetasin N.K.
Si pasojë e përplasjes është dëmtuar drejtuesi i motomjetit, i cili ndodhet nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit, shtuan të njëjtat burime.
