Një aksident ka ndodhur ditën e sotme në qytetin e Elbasanit, ku një makinë ka përplasur një fëmijë 6 vjeç.
Policia ka arrestuar në flagrancë shoferin 19-vjeçar, i cili drejtonte një makinë tip “Smart”, ndërsa fëmija fatmirësisht është jashtë rrezikut.
Policia e Elbasanit tha se ka vënë në pranga Klint Lulja, 19 vjeç banues në Elbasan.
Arrestimi i tij, u bë pasi, në rrugën “25 Nëntori”, duke drejtuar mjetin tip “Smart” me targa AA 569 BJ, ka aksidentuar këmbësorin të miturin me inicalet N. T., 6 vjeç banues në Elbasan, i cili ndodhet në spitalin e Tiranës, jashtë rrezikut për jetën.
Pas arrestimit dosja i ka kaluar Prokurorisë së Elbasanit për veprime të mëtejshme për veprën penale “Shkelja e Rregullave të Qarkullimit Rrugor”.
