Avokati Spartak Ngjela vijon me akuzat kundër sistemit të drejtësisë në vend.
Në një postim në rrjetet sociale, Ngjela shkruan se askush nuk e beson se ky kryeprokuror mund të ketë qenë ndonjëherë me shtetin.
Ndërsa në lidhje me parlamentin ai shkruan “Parlamentet janë të zgjedhur nga populli, nuk janë institucione të emëruar. Pikërisht për të mbrojtur shtetin nga krizat”.
Sipas avokatit Ngjela, në rastin kur KLP ende nuk është ngritur, i vetmi institucion që mund të zgjedhë kryeprokurorin është parlamenti.
Në postimin e tij Ngjela ka hedhur akuza edhe ndaj ish-kryeministrit Berisha, i cili sipas tij e urren demokracinë parlamentare.
Postimi i plotë:
Berisha kurrë nuk e mësoi dot ç’është Parlamenti.
E para se ai nuk ka aftësinë për ta kuptuar; dhe e dyta: ai e urren demokracinë parlamentare.
Sot PD ka dërguar një letër në Kuvend ku shprehet se, përderisa nuk është ngritur KLP, (Këshilli i Lartë i Prokurorisë), nuk ka kush ta deklarojë mbarimin e mandatit të Prokurorit të Përgjithshëm.
Po si ka mundësi që të mos e konfirmojë Parlamenti, kur KLP ende nuk ekziston?
Vetëm halli dhe intelekt i dobët të shtyn të argumentosh bllokimin e funksionimit të shtetit
E pra, pyetja kryesore është kjo: pse nuk jep dorëheqjen Prokurori i Përgjithshëm?
Sepse do të bllokojë shtetin.
Po ky është krim.
E di Prokurori këtë, që ai ka qënë në atë post për shtetin dhe jo kundër shtetit?
Po, a ka qenë ky prokuror ndonjëherë për shtetin dhe me shtetin?
Askush nuk e beson se mund të ketë qenë ndonjëherë me shtetin.
Po parlamenti?
Parlamentet janë të zgjedhur nga populli, nuk janë institucìone të emëruarë. Pikërisht për të mbrojtur shtetin nga krizat.
Nëse Saliu me prokurorin e tij kërkojnë të hedhin shtetin në krizë; parlamenti duhet të veprojë.
Si ka mundësi të mos zgjedhë Parlamenti prokurorin e përgjithshëm të përkohshëm kur këtë ia kërkon ligji?
Pyetje profesionale është kjo:
Po nëse befas u çmend KLP dhe do të bllokojë shtetin me një krizë institucionale?
Sigurisht që parlamenti e zgjidh…
Dhe e fundit: nëse Prokurorit nuk i ka mbaruar afati i mandatit, mandat ky i dhënë nga Parlameni; sigurisht që ai ka të drejtë ta kërkojë.
Atëherë, pse shqetësohet Saliu?
Duhet të bindemi se këta që na kanë drejtuar nuk kanë qënë ndonjëherë me shtetin.
Po ky që po e drejton si kryeministër?
As ky nuk është me shtetin, por nuk lëviz dot se vjen Brian Yee…
