Deputetit i LSI-së, Përparim Spahiu, duke bërë një krahasim midis përmasave të dy përmbytjeve masive të fundit, ato të vitit 2015 dhe 2017, akuzoi qeverinë “Rama 2” se nuk ka bërë thuajse asgjë për të parandaluar dhe minimizuar përmbytjet, por po merret me një nismë ligjore për një sigurim të detyrueshëm të banesave nga përmbytjet.
STATUSI NË RRJETIN SOCIAL
“Në 2015 u përmbytën 3 mijë ha tokë dhe u prekën nga këto përmbytje 42 mijë persona.
Sot, dy vjet më pas, janë përmbytur 10 mijë ha, si dhe dëmtuar 3337 banesa.
Çfarë parandaloi qeveria, asgjë…
As në buxhetin e 2018 nuk ka asnjë investim për kanalizim…
Qeveria do t’ia faturojë qytetarëve, me një nismë ligjore për sigurimin e detyrueshëm të banesave nga përmbytja.
Nuk kemi parë gjë akoma…”.
