Një njoftim i vendosur në vitrinën e një furre buke në qytetin e Beratit, ku thuhet se “duke filluar nga data 01. 04. 2023 do të ngrihen çmimet me 10-20 lekë (të reja) për çdo artikull”, ka ngjallur reagime të shumta në opinionin publik.
Në njoftim pronarët e furrës nënvizonin se rritja “vjen si pasojë e ngritjes së pagave me 50%” nga ana e tyre, me qëllim frenimin e largimit të fuqisë punëtore.
“Paga minimale do të jetë 60 000 lekë (të reja). Shpresojmë të na mirëkuptoni!”, shkruhej më tej.
Për kryedemokratin Sali Berisha njoftimi në Berat është derivat i vendimeve të Ramës, i cili ditën e djeshme njoftoi se qeveria synon rritjen e pagës minimale në 90 mijë lekë brenda dy viteve të ardhshme.
“Furrat e bukës në Berat njoftojnë rritjen e çmimit të bukës me 20 lekë. Kjo sipas tyre, për shkak të rritjes së paralajmëruar të rrogave nga Rama!”, shkruan Berisha në Facebook.
