Një 42-vjeçar ka humbur jetën mesditën e sotme pasi dyshohet se aksidentalisht një trung peme e ka zënë poshtë.
Mësohet se viktimë ka mbetur shtetasi me iniciale, S.M i cili kishte shkuar në malin e fshatit Molisht, për të prerë dru, për përdorim në banesë. Teksa ka qënë duke prerë drutë një pemë e ka zënë poshtë e për pasojë ka humbur jetën.
“Sot, rreth orës 13:30, në fshatin Molisht, dyshohet se aksidentalisht një trung peme ka zënë poshtë shtetasin S. M., 42 vjeç, i cili kishte shkuar në malin e këtij fshati, për të prerë dru, për përdorim në banesë.
Si pasojë e dëmtimeve të marra, 42-vjeçari ka humbur jetën”,- njofton policia.
Grupi hetimor vijon punën në vendngjarje për dokumentimin e plotë të rrethanave të kësaj ngjarjeje.
