Pas fitores ndaj Holandës, sulmuesi i Francës Kylian Mbappe foli më shumë për shokun e skuadrës, portierin Mike Maignan.
Në një prononcim për mediet franceze, Mbappe theksoi se për Maignan ishte shumë e rëndësishme të mos pësonte asnjë gol, duke qenë se kthehej në Kombëtar pas një dëmtimi të rëndë që nuk i lejoi pjesëmarrjen në Kupën e Botës Katar 2022.
Numri një i Milan-it ishte vendimtar në fitoren 4-0 të Francës, ndërsa priti penalltinë e Depay në minutën e 90+5’ dhe diçka të tillë sulmuesi i PSG-së nuk mund të linte pa e përmendur.
“Shkëlqyeshëm, donim një portë të pastër. E dinim se sa e rëndësishme ishte për Mike që të mos pësonte gola në ndeshjen e tij të parë si titullar, le të shpresojmë se mund t’i japë besim”-deklaroi Mbappe.
