Eksperti i Ekonomisë Pano Soko thotë se i akuzuari i vetëm i aferës së inceneratorit të Tiranës është Erjon Veliaj dhe për këtë ka fakte.
“Tirana ka një të akuzuar dhe drejtëpërdrejtë që është kretari i bashkisë së TIranës. Tirana ka të gjithë shpurën e deritanishme të të ofiqarëve që kanë qënë deri sot, por ka edhe një të ri që është ‘ylli’ i gjithë aferës. Ai është çelësi i kuadrit. Duhet kuptuar që çelësi i kuadrit të aferës së inceneratorit të Tiranës është Erion Veliaj. Ai ishte çelësi i kuadrit që e ndezi të gjithë aferën e inceneratorit të Tiranës. Tani, ai është i akuzuari i drejtëpërdrejtë sepse shkelja e tij është ashiqare, është provuar, është me letra, është e dokumentuar. Nuk do të duhet ta kërkosh psh siç do të duhet të kërkosh tek Arben Ahmetaj emaile në shembuj që ka vajtur apo nuk ka vajtur. Tek ky e ke të thjeshtë, merr shkresat, merr protokollet, krahaso protokollet, ke dhe ligjin shkruar në krah dhe thotë ‘ ke shkelur ligjin me këtë shkresën e mbaroj puna.”- tha Soko.
Soko thekson se arsyeja pse kjo çështje nuk hapet është sepse emri i parë në dosje do të jetë Veliaj.
Nuk hapet çështja penale se i pari është Erjon Veliaj, i pari fare. Fillon njëherë se kush e dha lejen për këtë. Si është dhënë leja? A është dhënë në mënyrë të rregullt? Jo, është dhënë në mënyrë të të parregullt. Kush e ka dhënë? Kryetari i bashkisë. Kaq, është e thjeshtë, nuk ikën dot më tutje.”- tha Soko i ftuar në ‘Task Force’.
