Kreu demokrat Sali Berisha në një bashkëbisedim të zhvilluar këtë të shtunë me demokratët në Londër, u shpreh se kryeministri Edi Rama është kupola e hajdutëve.
Berisha theksoi se inceneratorët nuk janë në funksion dhe se të gjitha para shkojnë për llogari të Ramës, gjithashtu ai tha vendi prodhon shumë energji elektrike, por sipas tij qeveritarët e shesin me çmime të ulëta.
“Unë shpreh kënaqësinë të bisedoj sot me ju në një moment vërtet të veçantë që kalon Shqipëria dhe Shqiptarët. ne zhvillojmë këtë foltore me demokratët e Londrës në një kohë kur vendi është pllakosur nga një krizë e frikshme. Shqiptarët braktisin Shqipërinë sepse regjimi i sotëm ka vendosur, ka rikthyer monizmin e 32 viteve më parë. Në rast se 32 vite më parë monizmi, përqendrimi i të gjitha pushteteve në duart e një partie, sot monizmi bazohet në brutalitetin e krimit dhe drogën dhe fuqinë negative të saj , në vjedhjen e papërmbajtur të qytetarëve shqiptarë. Me këto mekanizma Edi Rama ndërtoi në këto vite narkoshtetin e parë. Pra zëvendësimin e ligjeve me atë të shtetit mafioz. Jeta e shqiptarëve është e mbushur plot raste të tilla. Një javë më parë u arrestua një fëmijë 8 muajsh për një gjobë për të cilën nuk ishte njoftuar. Sot buxheti i shqiptarëve vidhet. Çdo punë publike që kryhet në Shqipëri bëhet me një çmim, 6, 8 apo 10 herë më shtrenjtë se sa duhet të ishte në përputhje me manualet . I gjithë buxheti shpërdorohet vidhet nga sekti i rilindjes dhe shqiptarët zhyten në varfëri. të njëjtin fat kanë pasuri publike. Kemi pasur dy vite plot lagështi dhe shira. Shqipëria sot prodhon, 2 mld kë orë energji elektrike, më shumë se sa nevoja totale e saj. Këta qeveritarë zbrazin diga, shesin energji në verë tek sekserët e tyre me çmime të ulëta dhe këta pastaj e shesin në bursë me çmime më të larta dhe më pas i ndajnë me qeveritarët. Zinxhiri i vjedhjeve të tyre nuk ka të ndalur. Pasuritë publike janë sot një mallkim për shqiptarët. Gara e hapur që është ligj në çdo vend të lirë është zëvendësuar me prokurimin sekret. Janë rritur me 25 herë krahasuar me 2013 prokurimet sekrete”, tha Berisha.
