Kryetari i Partisë Aleanca për Ardhmërinë e Kosovës (AAK), Ramush Haradinaj ka akuzuar kryeministrin Kurti për mënyrën sesi ky i fundit po qeveris vendin.
Haradinaj u shpreh se Kurti ka ndryshuar shumë që kur erdhi në pushtet.
Sipas Haradinajt, Kurtit do t’i vijë fundi nga lakima e tij për pushtet.
“Nuk kemi parë ne ndonjëherë ndryshim kaq evolutiv të një pushtetari në periudhën para dhe pas zgjedhjeve. Pra nuk ka ndodhur ndonjëherë një transformim aq i madh sa ka ndodhur me Kurtin. Është e paimagjinueshme, Kurti opozitar me Kurtin në pushtet. Pra, ky del që është lakmitar i madh në pushtet. Pra, del që e ka qëllim pushtetin dhe këtë e dëshmon me kapje të institucioneve.
Të gjitha lidhjet e shkurtra që i ka krijuar: borde, kompani, familjarë, militantë, deri te edhe për një ujësjellës, anëtarët e bordit i interviston Kurti. Pra, edhe për ujësjellësin, lëre më edhe për tjerat dhe dëshira me e kap çdo institucion shihet te ky. Këtij do ia hajë kokën kjo lakmia e madhe me kap shtetin dhe pushtetin”, theksoi Haradinaj për mediat në Kosovë.
