Dy persona, K. S., 27 vjeç dhe K. S., 31 vjeç, kanë mbetur të plagosur me thikë pas një sherri mes disa të rinjve në ambientet e një lokali në Tiranë.
Policia ka vënë në pranga shtetasin R. H., 28 vjeç, si dhe nisi procedimin penal në gjendje të lirë për shtetasin B. S., 42 vjeç, të dy banues në Tiranë.
“Specialistët për Hetimin e Krimeve të Komisariatit të Policisë Nr. 1 arrestuan shtetasin R. H., 28 vjeç, si dhe nisi procedimi penali në gjendje të lirë për shtetasin B. S., 42 vjeç, të dy banues në Tiranë. Këta dy shtetas, në bashkëpunim me njëri-tjetrin, pas një konflikti për motive të dobëta, kanë goditur me mjete prerëse shtetasit K. S., 27 vjeç dhe K. S., 31 vjeç. Gjithashtu, shtetasi B. S. ka dëmtuar tavolinat e lokalit ku ndodhi konflikti”, thuhet në njoftimin e policisë.
Nuk dihet gjendja shëndetësore e dy të plagosurve.
