Një aksident me pasojë vdekjen ka ndodhur në Durrës. Një betoniere ka përplasur një qytetar, i cili po lëvizte me biçikletë.
Aksidenti ka ndodhur në lagjen nr. 18, Durrës. Policia ka shoqëruar drejtuesin e betonierës.
“Rreth orës 12:15, në lagjen nr. 18, Durrës, një automjet (betionere) me drejtues shtetasin P. P., 58 vjeç, ka përplasur një shtetas ende të paidentifikuar që lëvizte me biçikletë, i cili si pasojë e përplasjes, ka humbur jetën.
Shtetasi P. P. është shoqëruar në Komisariat, për kryerjen e veprimeve të mëtejshme procedural”, njofton policia.
Grupi hetimor ndodhet në vendngjarje dhe po punon për sqarimin e rrethanave të këtij aksidenti.
