Tre viktima dhe tre të plagosur ishte bilanci i aksidentit të rëndë që ndodhi pasditen e djeshme në nënkalimin pranë qendrës tregtare TEG, teksa një automjet tip “Audi A8” i drejtuar nga 19-vjeçari Klevis Ruçaj, që me shpejtësi skëterrë përfundoi mbi kofanon e një makine tjetër tip “Honda”.
Klevis Ruçaj, në tentativë për të hyrë në rreth rrotullim ka humbur drejtimin, duke goditur barrierën e anësore dhe tejkaluar tej për tej, për të përfunduar në nënkalim. ‘Audi’ fluturoi për disa metra në ajër dhe goditi bordurën që ndanë dy karrexhetat me senset të aksit Tiranë-Elbasan. Nga forca e goditjes, mjeti doli në krahun tjetër dhe përplasi mjetin “Honda” të familjes Kurti. Tre personat në mjetin tjetër janë aktualisht jashtë rrezikut për jetën.
Është publikuar edhe momenti kur “Audi Q8” i Klevis Ruçajt, çan barrierën e mbikalimit të Saukut e fluturon në anën tjetër. Në video shihet gjithashtu se një mjet “Benz” shpëton për pak.
Mësohet se dy pasagjeret që udhëtonin me “Audi A8” që drejtohej nga Ruçaj, janë shtetaset Erisilda Abedini (22 vjeçe) dhe Sikela Përroj (23 vjeçe).
