Një shqiptar i quajtur Fisnik.H. ka pranuar akuzat se ka qëlluar për vdekje një 31-vjeçar me origjinë turke në Gjermani, raportuan mediat lokale.
Ngjarja ka ndodhur më 27 qershor të vitit 2022. Pas një mosmarrëveshje, 24-vjeçari shqiptar ka qëlluar 5 herë ndaj viktimës dhe është larguar. Viktima ka ndërruar jetë në spital, pas dy të shtënave që mori në gjoks.
Në seancën gjyqësore, i riu shqiptar pranoi akuzat duke thënë se ishte penduar dhe kërkoi falje. “Nuk doja ta vrisja, por ndihesha i kërcënuar”, tha ai.
24-vjeçari u përball në sallën e gjyqit me nënën e viktimës, e cila në një moment ndërpreu seancën dhe e paralajmëroi: Kujdes! Thuaj të vërtetën, i çmendur.
Fisnik H., tha se ishte ndjerë i provokuar dhe i kërcënuar nga viktima. Sipas deklaratave të tij, e ka qëlluar 4 herë dhe është larguar nga vendngjarja.
