Barcelona dhe Real Madrid do të përplasin “brirët” mes tyre në “Santiago Bernabeu” duke nisur që nga ora 21:00. Kjo “El Clasico” do të luhet në kuadër gjysmëfinales së Copa del Rey. një “finale” e parakohshme që vë përballë dy gjigandët spanjollë që kërkojnë të grenë lart këtë trofe.
Në prag të këtij takimi në konferencën për shtyp ka folur Xavi Hernandez, i cili është treguar shumë i sinqertë dhe ka theksuar se Reali është favorit për të fituar këtë përballje për disa arsye.
“Ata fituan titujt e fundit dhe ne jemi në ndërtim e sipoër. I mundëm në një ndeshje të jashtëzakonshme vitin e kaluar, por është edhe një Madrid që e mposhti një Liverpool, në stadiumin e tyre. Duhet të jem i sinqertë, i shoh qartë si favoritë. Po flasim për kampionët aktualë të La Ligës dhe Evropës. Por, ne mund t’i lëndojmë ata, tashmë kemi treguar se mund ta bëjmë.
Frika na jep gjëra negative, duhet të mendojmë pozitivisht. Kemi konkurruar mirë deri më tani. Do të garojmë ballë për ballë. Ne do të tregojmë modelin dhe personalitetin tonë të futbollit.
Ne jemi mirë. Nga brenda analizojmë arsyet e humbjes, dhe kjo është një çështje futbolli. Çdo lojë është historia e saj. Jemi në një situatë ideale dhe të privilegjuar për të fituar tituj. Në La Liga kemi një avantazh prej shtatë pikësh. Mund të shkojë keq, por ne po punojmë”, ka deklaruar Xavi.
