Politikani dhe biznesmeni i njohur Behgjet Pacolli, thotë se sot mund të fillojë të shkruhet faqja e re në historinë e Republikës së Kosovës. AI i referohet takimit që kryeministri Kurti dhe presidenti Vuçiç do të mbajnë në Bruksel.
“Sot mbi të gjitha është Kosova! Sot është një ditë e rëndësishme për Kosovën dhe paqen në rajonin tonë të traumatizuar.
Sot ne duhet ta mbështesim delegacionin e Kosovës, qoftë edhe moralisht nga distanca. Sot mund të fillojë shkrimi i faqes së re për Republikën e Kosovës. Shpresojmë dhe lutemi që gjithçka të shkojë mirë”, shkruan Behgjet Pacolli.
Ky takim që pritet të zhvillohet pasditen e kësaj të hëne në Bruksel, është i një rëndësie të veçantë dhe i shumëpritur nga faktori ndërkombëtar, pasi palët jo vetëm që do të diskutojnë për dialogun mes Kosovës dhe Serbisë, por dhe pritet të vendosin për planin franko-gjerman.
