Athanasios Nazos, 33-vjeçari nga Mykonosi që vrau 34-vjeçarin shqiptar Julian Kosova në orët e para të së hënës në ishullin e Mykonos ndodhet në burg.
Greku vrau shqiptarin pas një debati që patën në një lokal, ku dyshohet se “molla e sherrit” ka qenë një vajzë. Në lidhje me ngjarjen e rëndë ka folur autori i ngjarjes.
Ai është shprehur se kishte qenë i dehur kur ka ndodhur ngjarja dhe se në një moment është konfuzuar dhe ka shkrepur armën i ndikuar nga alkooli dhe se nuk donte ta vriste shqiptarin.
“Shqiptari e ofendoi këtë grua dhe më pas të dy përfunduan duke u grindur. Nën efektin e pijes gjërat morën një kthesë të pakëndshme, tha një mik i autorit.
“Protothema” shkruan se shqiptari babain e ka polic në Shqipëri, ndërsa vëllai i tij jeton në Angli. Viktima vetë jetonte në Mykonos, ku kishte arritur që të blente një shtëpi luksoze, të cilën ua jepte me qira turistëve.
