Deputetja ekuadoriane Viviana Veloz ka bërë publike mesazhin kërcënues për jetën, nga mafia shqiptare gjatë një seance virtuale në komision.
Deputetja tregoi një fotografi në celularin e saj dhe tha se të dielën kanë lënë një shënim në automjetin e këshilltarit të saj, Christian González, me logon e mafies shqiptare dhe një fjalë në shqip ku thuhet “i vdekur”. ”
Shënimi u vendos kur automjeti ishte parkuar jashtë Universitetit Qendror të Ekuadorit, në qendrën veriore të Quitos. Veloz raportoi se ajo mori edhe mesazhe kërcënuese në llogarinë e saj në Instagram.
Ajo e konsideroi qeverinë përgjegjëse për atë që mund t’i ndodhte asaj, familjes së saj, ekipit të saj të punës dhe njerëzve të afërt me të. Ajo ka raportuar se sot do të zyrtarizojë denoncimin në Prokurori.
Sipas deputetes qëllimi i kanosjes ka qenë parandalimi i ecurisë së hetimeve për korrupsion të dyshuar në qeveri, në kuadër të çështjes Encuentro, si dhe parandalimi i raportimit të policisë për lidhjet e dyshuara mes trafikut të drogës dhe mafies shqiptare.
