Lojtarët e stolit janë një nga elementët më të rëndësishëm për një skuadër, që kërkon të fitojë titullin. Partizani nuk është se shkëlqen në këtë aspekt, sidomos në mesfushë dhe në mbrojtje.
Këto dy reparte nuk kanë shumë opsione, teksa edhe ato që janë, nuk i kanë cilësitë e titullarëve. Në mbrojtje, mungon Sota dhe për ta zëvendësuar vjen Telushi, një mesfushor. Nga ana tjetër, Preka është një opsion në qendër, por dëmtimet e kanë lënë vazhdimisht jashtë.
Ndërkohë, Hadroj duhet të shtrëngojë dhëmbët, pasi në stol nuk ka asnjë zëvendësues me cilësitë e tij. Ndërkohë në mesfushë aktualisht Bilali është alternativa e vetme me peshë, nëse dëmtohet një prej mesfushorëve të qendrës. Maget dhe Hoti janë lojtarë më ofensivë dhe kanë treguar se nuk e bëjnë dot këtë rol. Ndërkohë, sulmi është plot me alternativa.
/Panorama Sport/
