Deputetet e PD kanë bërë një kërkesë për ankim të vendimit për përjashtimin e deputetëve demokratë. Kërkesa i është dërguar Kuvendit dhe Gardës.
“Ne bazë të rregullores, deputetet mund të futen në Kuvend deri sa të mblidhet konferenca për ta shqyrtuar”, shuhet në një njoftim të zyrës së shtypit të Partisë Demokratike.
Të njëjtin qëndrim mbajti dhe deputeti Oerd Bylykbashi.
“Është bënë ankim në byronë e kuvendit nga deputetët që janë ndëshkuar në mënyrë të paligjshme në kundërshtim me rregulloren e Kuvendit. Ky ankim detyron Kuvendin të pezullojë masën deri në shqyrtimin nga byroja”, tha Bylybashi në një prononcim për gazetarët jashtë Kuvendit.
“Rama po e përdor Kuvendin dhe rregulloren si instrument mbi pluralizmit parlamentar”, shtoi ai.
12 deputetë demokratë janë përjashtuar nga komisioni i etikës. Ata janë Sali Berisha, Flamur Noka, Edi Paloka, Belind Këlliçi, Luçiano Boçi, Ina Zhupa, Albana Vokshi, Luan Baçi, Tritan Shehu, Ervin Salianji, Gazment Bardhi dhe Bledion Nallbati.
Tensione në hyrje të Kuvendit
Tensione në hyrje të derës kryesore të parlamentit mes punonjësve të sigurisë së Kuvendit dhe disa deputetëve të Partisë Demokratike.
Këta të fundit nuk janë lejuar të hyjnë nga punonjësit e gardës pavarësisht se ata kanë paraqitur kërkesën e lartpërmendur, që sipas PD, pezullon menjëherë vendimin për përjashtimin e deputetëve të opozitës nga pjesëmarrja në Kuvend dhe komisionet parlamentare.
Moslejimi në Kuvend i deputetëve të përjashtuar të opozitës nga punonjësit e gardës, për deputetin Belind Këlliçi është një “çmenduri e Edi Ramës dhe Lindita Nikollës”.
“McGonigal e ka tërbuar kryeministrin”, shtoi ai.
Ai dënoi dhe qëndrimin e gardës që nuk i lejoi deputetët të futen në Kuvend, duke përsëritur atë çka tha më herët Bylykbashi, se vendimi i përjashtimit pas kërkesës së PD-së është nul, deri në një vendimmarrje të byrosë së Kuvendit.
“Nga kush e mbrojnë parlamentit nga unë?! Ça i kam bërë unë parlamentit?! Paloka çfarë ka bërë?! Sali Bersha çfarë ka bërë?! Na kanë hequr të drejtën e fjalës. Çfarë mendon ky se do fitojë?! Do shtyjë vetëm agoninë e tij”, tha ai.
Ndërkohë, jashtë Kuvendit ka nisur protesta e thirrur nga opozita. protestuesve iu bashkuan dhe deputetët që nuk u lejuan në Kuvend.
Byroja e Kuvendit rrëzon kërkesën
Rreth 1 orë pas depozitimit të kërkesës, byroja dhe vendimin. Byroja e Kuvendit e rrëzoi kërkesën e PD, që ankimoi vendimet e përjashtimeve të deputetëve, të marrë nga komisioni i etikës në Kuvend.
Më vonë, deputetët e PD në seancë plenare, u shprehën se mbledhja e byrosë ishte e pavlefshme pasi sipas tyre, mungonte kuorumi.
