Autoritetet italiane kanw arrestuar njw adoleshent maroken, pasi tentoi tw grabiste biznesin e njw shqiptari.
Sipas mediave të huaja, episodi ndodhi në 5 të mëngjesit të së martës 14 shkurt. Pronari i zyrës së varrimit, (agjensi funerale), një 37-vjeçar shqiptar, mori një mesazh “alarmi” në celularin e tij në shtëpi: sistemi i sigurisë e informoi se një nga dyert e dyqanit ishte hapur me forcë. Ai lajmëroi Policinë dhe vetë shkoi në ambientet e biznesit, ku gjeti adoleshentin duke kërkuar gjëra me vlerë.
I befasuar nga pronari, hajduti tenton ta sulmojë për të shpëtuar. Ai i dha disa goditje në krah me një thikë të vogël që gjeti në njërën nga tavolinat, por xhaketa e trashë e pronarit e përuli tehun, duke e mbrojtur kështu nga lëndimet e mundshme.
