Nga Bolnews.al
Kompania shtetërore që menaxhon hapësirën ajrore shqiptare është vënë shpesh herë nën akuzë për shpenzimet e luksit. Abcontrol bën tendera miliona euro çdo javë, duke krijuar një mori firmash “kliente” të saj. Ajo bën tendera teknikë, duke tentuar që të largojë vëmendjen.
Por, shpenzon edhe miliona euro për pastrimin e disa zyrave, bën palestër brenda ambienteve, shpenzon qindra milionë lekë për dreka-darka, apo edhe për festat. Nuk mungojnë edhe shëprblimet e majme që marrin punonjësit e saj. Kjo ka sjellë që kjo shoqëri të krijojë një “listë” frmash kliente.
BoldNews.al ka investiguar herë pas here këto procedura, ku fituesit janë të njëjtë prej vitesh. Madje bëhet tendera “copy paste” vetëm formalisht, ku fituesit dihen para se të shpallet në Agjencinë e Prokurimit Publik.
Ndërkohë, në këto radhë do të ndalemi te tenderi për t’u mësuar anglishten punonjësve. Albcontrol hapi disa kohë më parë këtë procedurë, por ditët e fundit është anuluar.
Disa ditë më parë, drejtoresha e Albcontrol, Laureta Omeri, ka firmosur anulmin e tenderit të gjuhës angleze. Sipas dokumenteve që disponon BoldNews.al, bëhet fjalë për procedurën me objekt të kontratës “trajnim /testim anglisht ATSEP /AIS” me një fond limit 16.666.666 lekë pa tvsh.
“Arsyet e anulimit janë për shkak të rrethanave të paparashikueshme dhe objektive, nevojat ose aftësia paguesee autoritetit ose entit kontraktor kanë ndryshuar” thuhet në dokumente. Por nëse s’kishte para, përse u hap kjo procedurë? Ku do ti çojë paratë Laureta? Duke qëne se kjo procedurë është atakuar vazhdimisht për vite me radhë, kush ia tërhoqi “veshin” Laureta Omerit?
Vitin e kaluar, BoldNews.al denoncoi një procedurë të ngjashme, me objekt “trajnim /testim anglisht ATSEP /AIS”. Edhe në atë rast, fondi limit ishte 16,666,666 lekë pa TVSH. Pra, një tender “copy paste” si në objekt ashtu edhe në fond limit. Në dokumentet shoqëruese, të siguruara nga BoldNews.al, thuhej se “ALBCONTROL SH.A. kërkon kryerjen e kursit të gjuhës angleze të aviacionit për personelin ATSEP (Inxhiniero-teknik) në përputhje me standartet e vendosura nga ICAO dhe kërkesat lokale të përputhshmërisë”.
Sipas saj, gjithashtu ALBCONTROL SH.A. kërkon kryerjen e kursit të gjuhës angleze të aviacionit për personelin specialist të AIS-it në përputhje me standartet e vendosura nga ICAO. “Pjesëmarrësit në këtë kurs janë personel i ALBCONTROL SH.A. (ATSEP dhe specialistë të AIS-it). Numri i pjesëmarrësve ATSEP: 25 (njёzet e pesë) ATSEP. Numri i pjesëmarrësve specialist të AIS: 19 (nëntё-mbё-dhjetё) specialistë”, thuhej në këto dokumente.
Pas publikimit nga BoldNews.al, reagoi edhe opozita duke e quajtur absurd një shpenzim të tillë. Madje, pati mijëra komente se përse shteti bën tender për mësim anglishteje për punonjësit e tij, kur në fakt ata duhet që të dinin anglisht. Por paradokset në këtë vend janë shumë të mëdha, madje në vend që këto para të shkojnë për shërbime utilitare, ato shkojnë për shërbime të kota!
