Kryetari i Partisë Demokratike, Sali Berisha ka mbërritur në selinë e PD, pas mbylljes së protestës që u mbajt mesditën e sotme para kryeministrisë.
Në një deklaratë për mediat Berisha u shpreh se ditën e sotme policia ka ndaluar protestues.
Gjatë fjalës së tij Berisha ka bërë apel efektivëve të lirojnë protestuesit, ndërsa kujtojmë se pak më herët kryedemokrati bëri me dije se, protesta e radhës do të mbahet ditën e hënë.
“I kërkoj policisë të lirojë protestuesit”, theksoi Berisha.
Pas hedhjes së mjeteve piroteknike në shkallët e kryeministrisë gjatë protestës, zona përreth kryeministrisë është rrethuar me shiritin e “vendit të ngjarjes”, ndërsa oficerë të policisë gjyqësore ishin të pranishëm.
Raportohet se policia ka shoqëruar disa protestues.
